දේශීය විදෙස්

අත්අඩංගුවටගැනීම් ගැන වාර්තාවක් හදන්න ජගත් සංවිධානයෙන් තිදෙනක් ඇවිල්ලා

අත්තනෝමතික අත්අඩංගුවට ගැනීම් සම්බන්ධයෙන් පත් කර තිබෙන එක්සත් ජාතීන්ගේ ක්‍රියාකාරී කණ්ඩායමේ තිදෙනකුගෙන් සමන්විත නියෝජිත පිරිසක් අද (2017 දෙසැම්බර් 04) ශ්‍රී ලංකාවට පැමිණ සිටී.

මේ මස 15 වැනිදා දක්වා මෙරට සිටින එ් පිරිස රටේ නිදහස අහිමි කිරීම සම්බන්ධයෙන් මූලිකව සොයා බැලීමට නියමිත බව වාර්තා වෙයි. ජොසේ ඇන්ටෝනියෝ ගුවේරා , බරමුදෙස්ල ලෙයි ටූමි සහ එලීනා ස්ටෙයිනටේ යන තිදෙනා මෙරට සංචාරයේ යෙදෙනා එක්සත් ජාතීන්ගේ නියෝජිතයන් තිදෙනා ය.

එක්සත් ජාතීන්ගේ නියෝජිතයන් තිදෙනා බන්ධනාගාර , පොලිස් ස්ථාන, බාලවයස්කාරයන් සිටින ස්ථාන ඇතුළු විවිධ ස්ථානවලට යමින් තොරතුරු රැස් කිරීමට නියමිතය. බස්නාහිර, උතුරු මැද, උතුර, නැගෙනහිරල දකුණ සහ මධ්‍යම යන පළාත්වල සංචාරය කරමින් රජයේ නිලධාරී, සිවිල් සමාජ ක්‍රියාකාරීන් ඇතළු පාර්ශව හමුවෙමින් තොරතුරු එක්රැස් කරනු ඇත.

මෙරට සංචාරයෙන් සොයාගන්නා කරුණු ඇතුළත් වාර්තාවක් මෙම කණ්ඩායම ලබන වසරේ සැප්තැම්බර් මාසයේදී ජීනිවා නුවර පැවැත්වෙන එක්සත් ජාතීන්ගේ මානව හිමිකම් කවුන්සිලයට ඉදිරිපත් කිරීමට ද නියමිතය.

පසුගිය ජූලි මාසයේදී ශ්‍රි ලංකාවේ සංචාරයක නිරත වූ එක්සත් ජාතීන්ගේ විශේෂ නියෝජිත බෙන් එමර්සන්ගෙන්, ජාත්යසන්තර ක්ෂමා සංවිධානයෙන් සහ තවත් සංවිධාන කිහිපයකින් බලහත්කාරයෙන් කෙරෙන අත්අඩංගුවට ගැනීම සම්බන්ධයෙන් ශ්‍රි ලංකා රජයට චෝදනා එල්ල විය. පසුගිය මාසයේ පැවැති එක්සත් ජාතීන්ගේ මානව හිමිකම් කවුන්සිලයේ විශ්වීය කාලනුරූපි නිරීක්ෂණය පිළිබඳ ක්‍රියාකාරී කණ්ඩායම  ලංකාවට සම්බන්ධයෙන් ඉදිරිපත් කරන ලද අවසාන වාර්තාවෙන් ද බලහත්කාරයෙන් කෙරෙන අත්අඩංගුවට ගැනීම්ල වදහිංසා පැමිණවීම යනාදිය සම්බන්ධයෙන් අපක්ෂපාතී විමර්ශනයක් කරන්නැයි යෝජනා ඉදිරිපත් ව තිබිණි.

Related News :

Post Comment